ШыщхьэIум и 1-р Хэкум къэзыгъэзэжа адыгэхэм я махуэщ
ПщӀэ зыхуэсщӀ си лъэпкъэгъухэ!
Хабзэ дахэ хъуауэ шыщхьэIум и 1-р, Хэкум къэзыгъэзэжа адыгэхэм я махуэр, щагъэлъапIэ Къэбэрдей-Балъкъэрым, Къэрэшей-Шэрджэсым, Адыгейм. Мы махуэр лъэпкъ махуэгъэпсым адыгэхэм я зы махуэ лъап1эу илъэс 25 щ1игъук1э узэӀэбэкӀыжмэ хэуващ. Ар Адыгэ Республикэм къэрал унафэкIэ къищтащ 1998 гъэм. Къэбэрдей-Балъкъэрымрэ Къэрэшей-Шэрджэсымрэ Дунейпсо Адыгэ Хасэм и жэрдэмкIэ 2010 гъэ лъандэрэ щагъэлъап1э.
Къэрал куэдым щыпсэу адыгэхэр зыхэс лъэпкъхэм пщIэ къыхуащIу, я IэщIагъэ-щIэныгъэкIэ ехъулIэныгъэфIхэр къагъэлъагъуэу нобэм къызэрысар ину ди гуапэщ. Ауэ дэнэ щӀыпӀэ ахэр щыпсэуми, сыт хуэдэ бзэк1э мыпсалъэми, ягури я псэри ХэкужьымкӀэ къэгъэзащ, ар я плъапӀэу мэпсэу.
Мы лъэхъэнэм Тыркум, Сирием, Иорданием, Израилым, Европэм хыхьэ къэралхэм, Америкэм и Штат Зэгуэтхэм, Косовэ, нэгъуэщӀ щӀыпӀэхэми къиIэпхъукIыжауэ Къэбэрдей-Балъкъэрым цIыху 3000 щопсэу, Адыгэ Республикэмк1э зыгъэзахэм я бжыгъэр 2000-м ноблагъэ, Къэрэшей-Шэрджэсым цIыху 34 щы1эщ.
Къыздихьэжа лъахэм щызекӀуэ къэрал хабзэхэр ягъэзащӀэу, Хэкум и зыужьыныгъэм псэемыблэжу хуэлажьэ защӀэщ ахэр. Абыхэм республикэм щекIуэкI гъащIэм, экономикэм, щIэныгъэм, щэнхабзэм, егъэджэныгъэм, медицинэм, нэгъуэщI IэнатIэхэми хэлъхьэныгъэ ин хуэзыщIхэр яхэтщ.
Къэрал къулыкъущӀапӀэхэми лъэкӀ къагъанэркъым хамэщӀ къикӀыжа ди лъэпкъэгъуэхэр щӀыпӀэм хэгъэсыхьыжынымкӀэ, я псэукӀэр егъэфӀэкӀуэнымкӀэ.
Хэкум къэзыгъэзэжа адыгэхэм я махуэр лъапIэщ ди дежкIи къэзыгъэзэжахэм я дежкIи. Дуней псом дыщикъухьами, нобэкIэ дызэрыщIэну, дызэрыгъуэтыну Iэмал гъуэзэджэхэр диIэ хъуащи, ари фIыщ.
ПщӀэ зыхуэсщӀ си къуэшхэ, си шыпхъухэ! Дунейпсо Адыгэ Хасэм и ГъэзэщӀакӀуэ гупми сэри къызбгъэдэкӀыу гуапэу сынывохъуэхъу Зи хэку къэзыгъэзэжа адыгэхэм я махуэмкӀэ.
Узыншагъэ быдэ, гъащӀэ мамыр, ехъулIэныгъэ диIэну, лъэпкъым къыхуэщхьэпэн Iуэху куэд длэжьыну! Дыщыпсэу къэралыр зэредгъэфIэкIуэнум дыхущIэкъуу, ди нэхъыжьыфIхэм яхуэфащэу дыпсэуну.
Къеблэгъэжахэр адыгэ щIыналъэм лъэ быдэкIэ щыувыну, щыбэгъуэну! Тхурехъу нобэрей махуэр угъурлы! Иреф1ак1уэ лъэпкъхэм яку дэлъ зэныбжьэгъугъэр!
Дунейпсо Адыгэ Хасэм и Тхьэмадэ Сэхъурокъуэ Хьэутий
Уважаемые соотечественники, земляки!
От имени Исполкома Международной Черкесской Ассоциации и от себя лично искренне поздравляю вас с Днем репатрианта. Для адыгов (черкесов) это особая и запоминающаяся дата, учрежденная более четверти века назад в память о массовом возвращении группы этнических адыгов на историческую родину в связи с началом известной Косовской войны.
Сегодня репатрианты вносят большой вклад в социально-экономическое развитие наших республик и России в целом, а также способствуют укреплению связей с зарубежной адыгской диаспорой.
Государственные органы делают все возможное, чтобы обеспечить им благоприятные условия для успешной социальной адаптации и достойной жизни на родной земле.
Дорогие братья и сестры! Вы родились в разных уголках мира, но ваша привязанность к исторической родине не ослабевала на протяжении столетий, и вы сумели сохранить самобытность и уникальность нашего народа. Возвращаясь на родину, вы осуществили мечту ваших предков — жить и трудиться на земле, которая всегда была в ваших сердцах.
Желаю вам крепкого здоровья, мира и благополучия, дальнейших успехов в деле развития и процветания нашего народа и всего Отечества!
Президент Международной Черкесской Ассоциации Хаути Сохроков
