Адыгэхэм я махуэмкIэ дынывохъуэхъу!
Ди лъэпкъэгъу лъапIэхэ!
Ди къуэшыфIхэ, ди шыпхъу дахэхэ!
ФокӀадэм и 20-м ди лъэпкъым егъэлъапӀэ Адыгэхэм (шэрджэсхэм) я махуэр!
Урысей къэралыгъуэм, дунейпсо цIыхубэ зыужьыныгъэм хэлъхьэныгъэ ин хуэзыщIа лъэпкъхэм ящыщщ адыгэхэр.
Адыгэхэм (шэрджэсхэм) я махуэм мыхьэнэшхуэ иIэщ. Мы гуфIэгъуэр и дамыгъэщ лъэпкъым и щхьэ кърикIуа лъэпощхьэпохэм имыгъэдзыхэу нобэм къызэрысам, бзэр, щэнхабзэр, тхыдэр зыхъумэфа ди лъэпкъым къикIуа тхыдэ гьуэгуанэм. Дуней псом цIэрыIуэ щыхъуа адыгэ щIэныгъэлIхэм, тхакIуэхэм, сурэтыщI Iэзэхэм, лIыхъужьхэм ди лъэпкъым и цIэр лъагэу яIэтащ.
Нэгъуэщ1 къэралхэм щыпсэу адыгэхэм яхузэфIокI я бзэр, адыгагъэр, лъэпкъ хабзэхэр, щэнхабзэ фIыгъуэхэр яхъумэжыну.
ДяпэкIи, лъэпкъ тхыдэм къыхэна, къызэднэкIа гузэвэгъуэхэр зыщыдмыгъэгъупщэу, зэманыр мытыншми, щIэблэр лъэпкъым, къэралым иригушхуэу, къызыхэкIар игъэлъапIэу къэдхъэхъуну ди къалэнщ дэтхэнэ зыми.
Дунейпсо Адыгэ Хасэм и ГъэзэщIакIуэ гупым хэтхэм я цIэкIэ, си щхьэм къыбгъэдэкIыу сынывохъуэхъу Адыгэм ди махуэщIымкIэ. Унагъуэ къэс узыншагъэ быдэ, мамырыгъэ, ехъулIэныгъэ, насып илъыну! Ди пщэдейм папщIэ псэзэпылъхьэпIэ ит ди щIалэхэр хэщI ямыIэу, узыншэу къекIуэлIэжыну Тхьэм жиIэ.
ИрефIакIуэ адыгэ (шэрджэс) лъэпкъыр, Къэбэрдей-Балъкъэрым щыпсэу цIыху псори. Иребыдэ лъэпкъыбэу зэхэт ди Хэкушхуэр, зэгурыIуэныгъэрэ мымырыгъэрэ щытепщэу.
Сэхъурокъуэ Хьэутий,
Дунейпсо Адыгэ Хасэм и тхьэмадэ.
Дорогие соотечественники!
Поздравляю вас с Днём адыгов (черкесов)!
Этот праздник символизирует преемственность поколений, уважение к нашим традициям и важность сохранения национальной культуры. Адыги (черкесы) внесли значительный вклад в развитие малой родины и страны, руководствуясь принципами мира, согласия и созидания.
День адыгов (черкесов) – это символ нашего единства, уважения к корням и общей ответственности за будущее адыгского народа, проживающего в Кабардино-Балкарии, Адыгее, Карачаево-Черкесии и других регионах, а также за рубежом.
От имени Исполкома Международной Черкесской Ассоциации, от себя лично желаю вам благополучия, стабильности и успехов.
Президент Международной Черкесской Ассоциации
Х.Сохроков
