Адэжьхэм я фэеплъыр тщымыгъупщэу
ПщIэ зыхуэсщI си лъэпкъэгъухэ, си хэкуэгъухэ!
Адыгэхэм (шэрджэсхэм) дежкIэ накъыгъэм и 21-р щыгъуэкIэ гъэнщIащ: 1864 гъэм а махуэм иухащ цIыху минищэ бжыгъэхэм я гъащIэр зыхьа, илъэсищэкIэ екIуэкIа Кавказ зауэр. Абы лъандэрэ илъэси 162-рэ дэкIащ, ауэ а лъапсэрых зауэр тщыгъупщэркъым, ди лъэпкъым къыхуихьа гуIэгъуэхэр дигу ихужыркъым. ИлъэсищэкIэ мыужьыхыу екIуэкIа зауэм лъэпкъыр кIуэдыпIэ иришащ: мащIэ дыдэщ адэжь лъахэм къинэжар, нэхъыбэр мафIэ лыгъейм хэкIуэдащ е хамэ щIыпIэхэм щыхипхъащ. Тыншакъым хэхэсыныр натIэ зыхуэхъуа ди лъэпкъэгъухэм я гъащIэр – я бзэм ирипсэлъэну, я хабзэр зэрахьэну Iэмал кърамыту къэгъуэгурыкIуащ, ауэ зыхагъэшыпсыхьыжакъым, къызэтенащ. БлэкIа гузэвэгъуэшхуэм ущегупсыскIэ, укъэмыскIэнкIэ,уи гущIэм зимыгъэзэнкIэ Iэмал иIэкъым.
ЗэуапIэм икIуэдахэмрэ лъыгъажэм зи щыIэныгъэр зэтрикъутахэмрэ Илъэс къэс накъыгъэм и 21-м дигу къыдогъэкIыж. Накъыгъэм и 21-р щыгъуэ-щIэж махуэу щагъэуващ Адыгейми, Къэбэрдей-Балъкъэрми, Къэрэшей-Шэрджэсми. Щыгъуэ Iуэхухэр щокIуэкI Краснодар икIи Ставрополь щIыналъэхэм, Абхъазием, Тыркум, Иорданием, Сирием, Израилым, Германием, Америкэм и Штат Зэгуэтхэм, нэгъуэщI къэралхэми. Ялъэгъуа нэщIэбжьэхэм адыгэхэр зэращIыкIакъым, я анэдэлъхубзэр фIагъэкIуэдакъым, я щэнхабзэр IэщIагъэхуакъым, я къежьапIэхэр щагъэгъупщакъым. Нобэ адыгэхэр Урысейм и лъэпкъыбэ унагъуэм ящыщ зыщ, мамыру и гъунэгъу лъэпкъхэм ядэпсэу зы жылагъуэщ. Адыгэхэр дэнэ щIыпIэ щымыпсэуми, зы тхыдэрэ зы щэнхабзэмрэ зэраIэр ягъэгъуащэркъым, зыр адрейм щIэгъэкъуэн хуэхъуу, сыт щыгъуи зэкъуэту, зэрыIыгъыу зэдэщыIэщ. ХамэщIым къикIыжа ди лъэпкъэгъу минхэр Хэкум щопсэу, къекIуэкI хабзэмрэ псэукIэмрэ зрагъэзэгъащ, унагъуэ щащIащ.
Урысейм къищынэмыщIауэ, адыгэхэм къэралыгъуэ щаIэу дунейм зы щIыпIи щыIэкъым. Къэралым и пашэхэр хущIокъу лъэпкъым и щэнхабзэ хъугъуэфIыгъуэхэр зэрихъумэным икIи зэрызригъэужьыным,апхуэдэуи хамэщI щыпсэу ди лъэпкъэгъухэм адэжь лъахэм къыхуаIэ пыщIэныгъэхэрзэригъэбыдэнуми иужь итщ.
Мы махуэм дэ къыткъуэтщ Къэбэрдей-Балъкъэрым и лъэпкъыбэр. Ар зыхыдощIэ,абы щхьэкIи дэтхэнэми фIыщIэ яхузощI.Ди щIыналъэм сыт хуэдэ Iуэхугъуэ щедмыгъэкIуэкIми, ди зэхуакум илъ зэныбжьэгъугъэр хъумэным икIи гъэбыдэным, ди къэкIуэнум теухуауэ диIэ жэуаплыныгъэр нэсу къыдгурыIуэным хуэгъэпсауэ щытын хуейщ. УзэгурыIуэмэ, узыпэмылъэщын гугъуехь зыри щыIэкъым. Кавказ зауэм и тхыдэм дерс куэд къыдат. Абыхэм нэхъыщхьэу дызыхуагъасэр Iущыгъэмрэ зыр адрейм пщIэ хуэщIын зэрыхуеймрэщ. Лъэпкъ зэгурыIуэныгъэращ лъахэм зиужьыным и шэсыпIэ нэхъыщхьэр. Аращ къызыхэкIар Президент Путин Владимир 2026 гъэр Урысейм и лъэпкъхэм я зэкъуэтыныгъэм и илъэсу къилъытэнри. Щалъхуа лъахэр яхъумэу зи псэ зыта ди адэжьхэр дэ зэи тщыгъупщэнукъым икIи Кавказ зауэм хэкIуэда псоми ди щхьэр яхудогъэщхъ. Апхуэдэ гуауэ къэмыхъужын папщIэ, дэ ди къалэнщ а фэеплъыр дымыгъэкIуасэу тхъумэну. ИремыкIуэдыж зауэм зи щхьэ хэзылъхьа ди нэхъыжьхэм я фэеплъыр! Къэбэрдей-Балъкъэрым и цIыхубэми дунейм адыгэу (шэрджэсу) тетхэми мы махуэр ящызыгъэгъупщэн гуауэ ямылъагъуну, ди япэ итахэм дащIыхуэфэщэн ехъулIэныгъэхэр диIэну си гуапэщ. Дэтхэнэ зы унагъуэми и жьэгу мафIэр зэхремыкIыж, гуфIэгъуэрэ фIыгъуэрэ диIэну сыфхуолъаIуэ!
Дунейпсо Адыгэ Хасэм и тхьэмадэ
СЭХЪУРОКЪУЭ Хьэутий.
Уважаемые друзья!
Дорогие соотечественники, земляки!
21 мая — особая трагическая дата для адыгов (черкесов): в 1864 году в этот день завершилась длительная и кровопролитная Кавказская война, унёсшая миллионы жизней. Прошло 162 года, но память о трагедии жива. В результате столетней исторической драмы лишь десятая часть народа осталась на своей земле — остальные погибли или оказались разбросаны по всему миру. Нелёгкой была судьба тех, кто оказался на чужбине. Это огромная трагедия, воспоминания о которой и сегодня заставляют содрогаться от ужаса и боли.
Ежегодно 21 мая мы чтим память тех, кто пал на поле боя или стал жертвой войны. Этот день памятен в Адыгее и Карачаево -Черкесии, а в Кабардино-Балкарии этот день ещё и нерабочий. Мероприятия проходят также в Краснодарском крае, Абхазии и среди черкесской диаспоры в Турции, Иордании, Сирии, Германии, Израиле, США и других странах.
Несмотря на испытания, адыгский народ сохранил свой язык, культуру и верность истокам. Сегодня адыги — полноправный народ в многонациональной России, живущий в мире с соседями. Где бы ни находились адыги, они остаются единым народом с общей историей, культурой и традициями: отмечают праздники, укрепляют родственные связи и поддерживают друг друга. Тысячи соплеменников вернулись на родину и гармонично вписались в общество.
Россия — единственная страна в мире, где адыги имеют свою государственность. Руководство страны и Кабардино -Балкарии поддерживает сохранение культурного наследия и помогает соотечественникам за рубежом.
В этот день нас поддерживает весь многонациональный народ Кабардино- Балкарии, и я выражаю всем глубокую признательность. Любые мероприятия должны служить укреплению нашего единства: только в дружбе, взаимопонимании и общей ответственности мы можем преодолеть трудности.
Уроки Кавказской войны учат нас мудрости и взаимному уважению. Сохранение межнационального согласия — залог процветания народа и Отечества. В связи с этим Президент России В. В. Путин объявил 2026 год Годом единства народов России.
Мы помним тех, кто отдал жизни, защищая родной край, и склоняем головы перед памятью жертв Кавказской войны. Наша обязанность — сохранить эту память, чтобы не допустить повторения подобных испытаний в будущем. Вечная память жертвам войны.
Желаю жителям Кабардино- Балкарии и всем адыгам (черкесам) мира, крепкого здоровья, благополучия и процветания! Пусть в каждом доме царят согласие, достаток и радость!
Президент Международной Черкесской Ассоциации
Хаути Сохроков
