ГубэщIыкI Владимир Исмэхьил и къуэ
Егъэлеяуэ ди гуауэ хъуащ ГубэщIыкI Владимир Исмэхьил и къуэр зэрыщымыIэжым и хъыбару къытIэрыхьар.
КъБР-м и МВД-м, республикэм ЮстицэмкIэ и министерствэм жэуаплыныгъэшхуэ зыпылъ IэнатIэхэр иIыгъащ, Урысейм и ХъумапIэ банкым и щIыналъэ къудамэм и Iэтащхьэу, абы и директорхэм я советым хэту щытащ Владимир.
ГубэщIыкI Владимир Дунейпсо Адыгэ Хасэм жыджэру хэтащ, и псэ емыблэжу, къэралым и пщIэр иIыгъыу, къызыхэкIа лъэпкъым и хабзэр, и щэнхабзэр ихъумэу, хэкурысхэмрэ хэхэсхэмрэ зэпыщIэным хилъхьа гуащIэдэкIыр инщ.
Сыт хуэдэ Iуэху пэрытами, IэщIагъэлI жанрэ унафэщI Iущу зыкъигъэлъэгъуащ, и лэжьэгъухэмрэ ныбжьэгъухэмрэ я деж хуэфащэ пщIэ къыщихьащ Владимир.
Апхуэдэ псэемыблэж лэжьыгъэм къыпэкIуащ КъБР-м и ЩIыхь тхылъыр, республикэм и Парламентым и ЩIыхь тхылъыр, УФ-м и МВД-мрэ Урысейм и ХъумапIэ банкымрэ я дамыгъэ бжыгъэншэхэр.
Дунейпсо Адыгэ Хасэм и Хасащхьэм, ГъэзэщIакIуэ гупым хэтхэр дунейм ехыжа ГубэщIыкI Владимир и благъэхэмрэ Iыхьлыхэмрэ дахуогузавэ.
Дунейпсо Адыгэ Хасэм и Тхьэмадэ
Сэхъурокъуэ Хьэутий
