Новости

Гузавэгъуэшхуэ къызыщыщIа ди лъэпкъэгъухэм  дащIыгъущ

Нобэ дуней псор  ирипIейтейуэ кIэлъоплъ Тыркумрэ Сириемрэ щIыр хуабжьу  зэрыхъеям къыздихьа  гузавэгъуэшхуэм.
Фигу къэдгъэкIыжынщи, а гуауэр  къыщыхъуащ Кахраманмараш, Газиантеп, Хатай, Османие, Адыяман, Малатья, Шанлыурфа, Адана, Диярбакыр и Килис щ1ыпIэхэм. Апхуэдэуи хиубыдащ Сирием и Латакия, Алеппо, Хама и Тартус щIыпIэхэр.
ИкъукIэ ди жагъуэ зэрыхъущи махуэ къэсыхукIэ унэ зэхэкъутахэм къыщIахыжхэр хохъуэ.  Иужьрей хъыбару къытIэрыхьам  ипкъ иткIэ цIыху хэкIуэдахэм я бжыгъэр 20665 щIигъуащ.  Фэбжь зылъысахэр мин  80, нэгъуэщI щIыпIэ яшахэр мин 91 мэхъу.
Ди лъэпкъэгъу куэд щыпсэут Гёксюни, Кахраманмараши, Газиантепи, Хатаи нэгъуэщI къалэхэми.
Тыркум  мазаем (февралым) и 12 пщIондэ щыгъуэ махуэу ягъэуващ.
Адыгэу дунейм тет псоми ину гущIыхьэ тщыхъуащ хэщIыныгъэшхуэхэр,  икIи ди къуэшхэмрэ ди шыпхъухэрэ я гуауэшхуэр ядыдогуэш.
Дунейм ехыжахэм жэнэтыр Тхьэм къарит. Къэхъуам фэбжь хэзыхахэр икIэщыпIэкIэ узыншэ хъужыну ди гуапэщ. Зы цIыху псэуэ къагъуэтыжмэ дыщогуфыкI.
Нобэ Дунейпсо Адыгэ Хасэр ди лъэпкъэгъухэм дэIэпыкъуэгъу яхуэхъун папщIэ  хузэфIэкI псомкIи защIигъэкъуэну хьэзырщ.
Дэтхэнэ зыми зэрыхузэфIэкIкIэ, куэд-мащIэ имыIэу, лей къызытехьахэм защIэдгъакъуэмэ псапэшхуэщ.

ДАХ-м къызэIуиха расчетнэ счетыр:
Получатель: «Международная Черкесская Ассоциация»
ИНН  0721002124
КПП  072501001
р/сч  40703810910000000308
Реквизиты банка: Банк «Нальчик» ООО
БИК: 048327741
Кор/сч  30101810700000000741
Назначение платежа: помощь пострадавшим от землетрясения

Related posts

Leave a Comment