Лъэпкъым апхуэдэ гузэвэгъуэ тхьэм зэи димыгъэлъагъу!
Кавказ жылагъуэ зэгухьэныгъэхэм я Федерацэу
Тыркум щы1эм (KAF-FED) и Тхьэмадэ,
Дунейпсо Адыгэ Хасэм и Хасащхьэм хэт
Асланкая Яшар деж
Ныбжьэгъу лъапIэхэ!
Нобэ адыгэу Тыркум исхэр мэщыгъуэ Кавказ зауэжьым хэкIуэда ди адэжьхэм папщIэ. Зэман жыжьэм ди лъэпкъыр зыхэта гуауэр дигу къыщыдгъэкIыжкIэ, илъэси 100-м щIигъукIэ екIуэкIа зауэжьым насыпыншагъэу къытхуздихьам дегъэгумэщI.
Дэ дигу щIохьэ а зауэжьым зи щхьэр хэзылъхьахэм нэмыщI, къэнам я нэхъыбэр хэкум зэрырахуар.
Ауэ адыгэр дуней псом тепхъа хъуами, абы къару къызэкъуихыфащ и щхьэр, и лъэпкъ хьэл-щэнхэр, и бзэр, и хабзэр ихъумэжыну.
БлэкIар зыщыдгъэгъупщэ хъунукъым, тхыдэм дерс къыхэтхкIэрэщ ди къэкIуэнур убзыхуа зэрыхъунур,
Дэтхэнэ зыри къыхузоджэ блэкIам къытхуихьа гуныкъуэгъуэр зыщыдмыгъэгъупщэу нобэ къыдэкIуэтей щIалэгъуалэр лъэпкъым хуэпэжу дгъэсэну.
Нобэ Кефкен щевгъэк1уэк1 адыгэхэм я щыгъуэ махуэр лъэпкъым тхуэщхьэпэн тхьэм ищ1, ди сэбэп хэлъу тхьэм къыщ1игъэк1.
Лъэпкъым апхуэдэ гузэвэгъуэ тхьэм зэи димыгъэлъагъу!
Дунейпсо Адыгэ Хасэм и тхьэмадэ
Сэхъурокъуэ Хьэутий
