Атэбий Игорь илъэс 60 ирокъу
«Кабардинка» къэрал академическэ ансамблым и художественнэ унафэщI, КъБР-м щIыхь зиIэ и артист, Ингушым, Шэшэным, Абхъазым гъуазджэхэмкIэ щIыхь зиIэ я лэжьакIуэ Атэбий Игорь илъэс 60 ирокъу
Дунейпсо Адыгэ Хасэм и ГъэзэщIакIуэ гупым хэтхэр гуапэу дохъуэхъу Атэбий Игорь и юбилей дахэмкIэ — илъэс 60 и ныбжьыр зэрырикъумкIэ.
Атэбий Игорь Къэбэрдей-Балъкъэрым и профессиональнэ гъуазджэм зегъэужьыным хэлъхьэныгъэшхуэ хуищIащ, адыгэ лъэпкъ къафэхэм сыт щыгъуи хуищI гулъытэмрэ хуиIэ гукъыдэжымрэ къыпхуэмыIуэтэн хуэдизу инщ.
Лъэпкъым и набдзэ, ар зэрыпагэ къэфакIуэ гуп «Кабардинкэм» къикIуа гъуэгуанэм Игорь и фIыщIэ ин хэлъщ, абы и «дыщэ пхъуантэм» дэлъ къафэхэр мы дуней псом къыщацIыху.
Нобэ Игорь дохъуэхъу ехъулIэныгъэ инхэр дяпэкIи иIэну, и къарур мыкIуэщIыну, узыншагъэрэ насыпрэ и куэдыну!
