ПщIэ зыхуэсщI си лъэпкъэгъухэ!

Лъэпкъым дежкIэ анэдэлъхубзэм и мыхьэнэр, къарур, къалэныр инщ. Ар щэнхабзэм, гъэсэныгъэм, щIэныгъэм, зыужьыныгъэм я къежьапIэщ, псом
нэхъыщхьэращи, бзэр лъэпкъым и къуэпсщ и псэщ. Аращ лъэпкъым и цIыхухэр зэгурызыгъаIуэр, зэпызыщIэр. Сыт хуэдэ лъэпкъ ирехъуи, и бзэр имыIэжмэ, ар дунейм темытыжу къэплъытэ хъунущ. Ди бзэр хъума хъун папщIэ, ар  зэдмыгъэтIылъэкIыу ди щIэблэм яIурытлъхьэу дыкъекIуэкIын хуейуэ аращ. А псор къалъытэри, 2003 гъэм Дунейпсо Адыгэ Хасэм нобэрей махуэшхуэр гъэлъэпIэныр игъэувауэ щытащ.

Гъатхэпэм и I4-м адыгэ щыпсэу щIыналъэхэм лъэпкъыбзэм теухуа зэIущIэхэр, зэпеуэхэр, щIэныгъэ конференцэхэр, акъыл зэхэдзэхэр, усэ
пшыхьхэр, нэгъуэщI Iуэхугъуэ куэди щрагъэкIуэкI. Бзэм и мыхьэнэр абы и къарур, IэфIагъыр щIэблэм зыхащIэн папщIэ а Iуэхугъуэхэм къыхашэ.

Дунейпсо Адыгэ Хасэм иригъэкIуэкI IуэхуфIхэм ящыщщ бзэр хъумэным хуэунэтIари. Псалъэм папщIэ, хамэ къэрал щыпсэу ди
лъэпкъэгъухэм я щIэблэм папщIэ адыгэбзэ щрагъаджэ дерсхэр къызыдогъэпэщ. Интернетым къыдит Iэмалхэр къэдгъэсэбэпурэ ди
егъэджакIуэхэр ядолажьэ тхэкIэрэ еджэкIэрэ зэзыгъэщIэжыну хуей ди хэкуэгъухэм. А Iэмалыр къагъэсэбэпу Дунейпсо Адыгэ диктантым
къыхыхьахэщ Урысей Федерацэм и щIыналъэхэм, хамэ къэралым  щыпсэу ди лъэпкъэгъуэр. Абы хэтащ ди еджагъэшхуэхэри, лэжьакIуэхэри, еджакIуэхэри, къэрал, щIыпIэ властхэм, щIэныгъэ IэнатIэхэм, жылагъуэ, лъэпкъ, творческэ зэгухьэныгъэхэм я IэщIагъэлIхэр.

А Iуэхугъуэхэм я джэрпэджэж дахэ куэд къытлъоIэсри, дегъэгуфIэ, дяпэкIи тхузэфIэкI къэдгъэнэнукъым. Зыщывмыгъэгъупщэ: бзэр щымыIэм, щыIэкъым лъэпкъри.

Дунейпсо Адыгэ Хасэм и ГъэзэщIакIуэ гупым и цIэкIэ, сэ къызбгъэдэкIыу нобэрей МахуэшхуэмкIэ сывохъуэхъу! ФIыщIэ яхузощI
адыгэбзэр  егугъуу хъумэным, егъэфIэкIуэным, зегъэужьыным зи къару хэзылъхьэ щIэныгъэлIхэм, къэхутакIуэхэм, егъэджакIуэхэм, къэрал, жылагъуэ,  лэжьакIуэхэм.

Анэдэлъхубзэм и махуэ лъапIэр лъэпкъым махуэ тхуэхъуну, дефIэкIуэну,  зыдэдузэщIыну Тхьэм жиIэ.

Дунейпсо Адыгэ Хасэм и тхьэмадэ                                                                                                                                                                                   Сэхъурокъуэ Хьэутий

С Днем адыгского языка и письменности!

Дорогие друзья!

От имени Исполкома Международной Черкесской Ассоциации, от себя лично примите искренние поздравления  с Днем адыгского языка и письменности!

Ежегодно 14 марта с 2004 года адыги-черкесы  отмечают День  адыгского языка и письменности. Эта памятная дата учреждена Международной Черкесской Ассоциацией в целях привлечения внимания общественности к проблеме сохранения родного языка.

Как известно, народ жив, пока люди знают родной язык. Если мы не будем обращать внимание подрастающего поколения на необходимость сохранения языка, то мы потеряем многое в будущем.

Давайте уважать и беречь  свой родной язык,  изучать его, говорить на нём и передавать его нашим потомкам.

Дорогие соотечественники, желаю вам,  всем народам процветания, мира, больших успехов в сохранении и популяризации родного языка!

Пусть звучит сегодня, завтра и в веках, наш адыго-черкесский язык!

Президент Международной Черкесской Ассоциации                                                                                                                                                   Х.Сохроков