Адыгэхэм (шэрджэсхэм) я лъэпкъ махуэшхуэ
Нобэ адыгэхэм (шэрджэсхэм) я лъэпкъ махуэшхуэр щагъэлъэпIэ КъБР-м и районхэмрэ къуажэхэмрэ.
Махуэшхуэм кърихьэлIащ адыгэ щыпсэу гъунэгъу хэгъуэгухэм, Тыркум, Сирием, Иорданием, Нидерландым, Израилым, Европэм, нэгъуэщ1 щ1ып1эхэм къик1а хьэщ1эхэмрэ л1ык1уэхэмрэ.
Ди лъэпкъэгъу лъэп1эхэ!
Дунейпсо Адыгэ Хасэм и Хасащхьэмрэ Гъэзэщ1ак1уэ гупымрэ хэтхэм къабгъэдэк1ыуи си щхьэк1и гуапэу сывохъуэхъу Адыгэхэм (шэрджэсхэм) ди махуэ лъап1эмк1э!
Бзэр, лъэпкъ культурэр хъумэным, хэкурысхэмрэ хэхэсхэмрэ зэпыщIэным хэфлъхьэ гуащIэдэкIыр нэхъ ин хъуну, ехъулIэныгъэшхуэхэр фиIэну, фи лэжьыгъэм и хъер флъагъуну Тхьэм жиIэ!
Узыншагъэ, насып, мамырыгъэ, фIыгъуэ фиIэну!