ДАХ-м и ГъэзэщIакIуэ гупыр йохъуэхъу Сэхъурокъуэ Хьэутий
Дунейпсо Адыгэ Хасэм и ГъэзэщIакIуэ гупым хэтхэр гуапэу дохъуэхъу Сэхъурокъуэ Хьэутий ДАХ-м и тхьэмадэу зэрыхахам папщ1э.
Уи псэ уемыблэжу адыгэ лъэпкъым и щIыхьыр зыIэт Iуэху дахэ куэд блэжьащ икIи ноби йолэжь. ДяпэкIи ущыпсэу къэралым и пщIэр пIыгъыну, укъызыхэкIа лъэпкъым и хабзэр, и щэнхабзэр пхъумэну, хэкурысхэмрэ хэхэсхэмрэ зэпыщIэным хэплъхьэ гуащIэдэкIыр нэхъ ин хъуну, ехъулIэныгъэшхуэхэр уиIэну Тхьэм жиIэ!
Дунейпсо Адыгэ Хасэм и ГъэзащIакIуэ гуп
Сэхъурокъуэ Хьэутий Хьэзрит и къуэр
Аруан районым хыхьэ Старэ Шэрэдж (Дохъущыкъуей) къуажэм 1951 гъэм накъыгъэм и 27-м къыщалъхуащ. Абы къиухащ Къэбэрдей-Балъкъэр къэрал университетыр, ВИГИС-м и аспирантурэр (Москва). Ар ветеринар щIэныгъэхэм я кандидатщ, экономикэ щIэныгъэхэм я докторщ, профессорщ, ЩIДАА-м и академикщ.
Сэхъурокъуэр къэрал IэнатIэ иIыгъыу къекIуэкIащ. Ар щытащ КъБР-м и Правительствэм и УнафэщIым и къуэдзэу, егъэджэныгъэмрэ щIэныгъэмкIэ министру.
2011 гъэм щыщIэдзауэ «Ветеринар, фитосанитар кIэлъыплъыныгъэмкIэ Федеральнэ IуэхущIапIэм и Къэбэрдей-Балъкъэр референт центр» федеральнэ къэрал бюджет IуэхущIапIэм и унафэщIщ.
Сэхъурокъуэ Хьэутий къыхуагъэфэщащ Зэныбжьэгъугъэм и орден.
УФ-м и Президентым фIыщIэ къыхуищIащ и лэжьыгъэм папщIэ. КъБР-м и ЩIыхь тхылъ иIэщ. Абы зэрехьэ КъБР-м и «ЦIыхухэм хуэIухуэщIэ яхузэфIэзых IэнатIэм щIыхь зиIэ и лэжьакIуэ» цIэр. «ЛэжьыгъэкIэ псэемыблэжхэр. Урысей» ЩIыхь дамыгъэр зэрехьэ. Сэхъурокъуэм къыхуагъэфэщащ УФ-м и министерствэ зыбжанэм я ЩIыхь тхылъхэр.
2012 гъэм ДАХ-м и Тхьэмадэу хахащ
2015 гъэм ДАХ-м и Тхьэмадэу хахащ ет1уанэу
Биография: Сохроков Хаути Хазритович родился 27 мая 1951 года в селении Старый Черек Урванского района Кабардино-Балкарской АССР. В 1974 году окончил Кабардино-Балкарский госуниверситет, в 1979 году — очную аспирантуру при ВИГИС в Москве. Занимал руководящие должности в министерствах и ведомствах, а также исполнительных органах власти Кабардино-Балкарии. Многие годы проработал в должности заместителя и первого заместителя председателя Правительства КБР.
Х.Х. Сохроков награжден орденом Дружбы, высшими наградами Кабардино-Балкарии, министерств и ведомств России и КБР. Доктор экономических наук, профессор.
В 2012 году избран президентом Международной Черкесской Ассоциации.
В 2015 году избран на второй срок президентом Международной Черкесской Ассоциации.
