Мунир Собор (Шэбрыкъуэ)
Егъэлеяуэ ди гуауэ хъуащ Иорданием и Парламентым и сенатору, КъухьэпIэ лъэныкъуэмкIэ щыIэ адыгэ-шэрджэс хэхэсхэм я пашэхэм ящыщу щыта Мунир Собор зэрыщымыIэжым и хъыбару къытIэрыхьар.
Мунир Собор и къулыкъукIэ и пщэ къыдэхуэ къалэнхэм къадэкIуэу жылагъуэм щекIуэкI Iуэхухэми жыджэру хэтащ. Иорданием щыIэ Адыгэ ФIыщIэ Хасэмрэ Дунейпсо Адыгэ Хасэмрэ я гъусэу Мунир илъэс куэдкIэ илэжьащ адыгэ лъэпкъым и щIыхьыр зыIэт Iуэху дахэ куэд, и псэ емыблэжу, къызыхэкIа лъэпкъым и хабзэр, и щэнхабзэр ихъумэу, хэкурысхэмрэ хэхэсхэмрэ зэпыщIэным хилъхьа гуащIэдэкIыр инщ.
Мунир Собор мызэ-мытIэу щыхьэщIащ адэжь щIыналъэм, ди лъэпкъ щэнхабзэм теухуа Iуэхугъуэхэм хэтащ.
Адыгэ лъэпкъым и къуэ пэжхэм ящыщ зым, хэкупсэ нэсу, ныбжьэгъу пэжу щытам и фэеплъ нэхур адыгэхэм-шэрджэсхэм ягу илъынщ.
Дунейпсо Адыгэ Хасэм и Хасащхьэм, ГъэзэщIакIуэ гупым хэтхэр дунейм ехыжа Мунир Собор и благъэхэмрэ Iыхьлыхэмрэ дахуогузавэ.
Дунейпсо Адыгэ Хасэм и Тхьэмадэ
Сэхъурокъуэ Хьэутий