Европэм щылажьэ Адыгэ Хасэхэм я Федерацэм и зи чэзу зэIущIэ
2022 гъэм щэкIуэгъуэм (ноябрым) и 19-м Кёльн къалэм (Германием) щекIуэкIащ Европэм щылажьэ Адыгэ Хасэхэм я Федерацэм и зи чэзу зэIущIэ. Ар теухуауэ щытащ Федерацэм и унафэщIхэр хэхыным. Мы зэIущIэм хэлэжьыхьащ Бремен, Берлин, Мюнхен, Мюнстер, Вуппертал, Ганновер, Кёльн щылажьэ Адыгэ хасэхэм я лIыкIуэхэр.
Ди гуапэу фыдогъэцIыху Федерацэм и унафэщIхэу илъэситкIэ лэжьэну хахахэр: Федерацэм и президенту Вэрокъуэхэ (Сёнмез) Зати (Мюнхен хасэ), Федерацэм и президентым и япэ къуэдзэу Темыркъанхэ Заур (Кёльн хасэ), Федерацэм и президентым и етIуанэ къуэдзэу Къардэн (Гозташ) Ерсан (Мюнхен Хасэ).
ЩIалэгъуалэм я ухуакIуэ-гъэзэщIакIуэ гупым и унафэщIхэр: Эмине Сахингёз, Шехер Къардэн.
Федерацэм и финанс мылъкум и кIэлъыплъакIуэхэр: Муллэ Сюрер (Манхайм хасэ), Еркан Канол (Вуппертал хасэ).
Ди гуапэу абыхэм дохъуэхъу, лэжьыгъэр ирагъэфIэкIуэну, ехъулIэныныгъэ куэдкIэ дагъэгуфIэну!
