Шекерджи Йылдыз дохъуэхъу
Тыркум щызэхэт Кавказ жылагъуэ
зэгухьэныгъэхэм я федерацэм и тхьэмадэ
Шекерджи Йылдыз деж
ПщIэ зыхуэтщI ди хэкуэгъу лъапIэхэ!
ПщIэ зыхуэтщI Шекерджи Йылдыз!
Дунейпсо Адыгэ Хасэм и ГъэзэщIакIуэ гупыми си щхьэми къыбгъэдэкIыу гуапэу сынохъуэхъу Тыркум щызэхэт Кавказ жылагъуэ зэгухьэныгъэхэм я федерацэм и тхьэмадэу узэрыхахам папщ1э!
КАФФЕД-м и гуащэ Йылдыз, къыпхуагъэфэща IэнатIэм хъер куэд къыпэкIуэу ущылэжьэну, узыпэрыхьа IуэхумкIэ уиIэ мурад псори къохъулIэну Тхьэм жи1э.
Кавказ жылагъуэ зэгухьэныгъэхэм я федерацэр Тырку Республикэм илъэс куэд хъуауэ щолажьэ. А зэманым Хасэм куэд хузэфIэкIащ, адыгэ лъэпкъым и щIыхьыр зыIэт Iуэху дахэ куэд иригъэкIуэкIащ. Фэри Илдыз, абы фи гуащ1э ин хэфлъхьащ.
ДяпэкIи дыпщогугъ Хасэм и гуащэ дахэу, ди зэпыщІэныгъэр нэхъ быдэ хъун папщIэ, лъэпкъ культурэр Тырку Республикэм щыхъумэным, адыгэбзэр, адыгэ щІэнхабзэр зэрыщефІэкІуэным нэхъ лъэщу тхузэф1эк1 псори къэдгъэсэбэпу дызэгъусэу дытелэжьыхьыну.
Тхьэм жиIэ фыщыпсэу къэралым и пщIэр фIыгъыну, хэкурысхэмрэ хэхэсхэмрэ зэпыщIэным хэфлъхьэ гуащIэдэкIыр нэхъ ин хъуну, ехъулIэныгъэшхуэхэр фиIэну, фи лэжьыгъэм и хъер флъагъуну.
ДигукIи ди псэкIи дывохъуэхъу узыншагъэ быдэ, насып, ехъулIэныгъэ, гъуэгуанэ дахэ Тыркум щыпсэу адыгэхэм псоми фиIэну.
ПщIэ къыфхуэзыщI,
Дунейпсо Адыгэ Хасэм и ГъэзащIакIуэ гупым къыбгъэдэкIыу
СЭХЪУРОКЪУЭ Хьэутий
