АДЫГЭ ПСОМИ ДИГУ КЪЫДОГЪЭКIЫЖ

Ди лъэпкъэгъу лъапIэхэ!

Илъэс къэс, накъыгъэм и 21-м дуней псом адыгэу тетым дигу къыдогъэкIыж Кавказ зауэм хэкIуэдахэр.

Ноби дызэхохьэ ди япэ итахэмрэ тхыдэм ди нэгу щIигъэкIа гузэвэгъуэмрэ дигу къэдгъэкIыжын папщIэ. Илъэси 101-кIэ екIуэкIа зауэжьым адыгэ лъэпкъым къылъыса  лейр  ноби зыхыдощIэ, ар гуауэу ди гум илъщ.

Пэжщ, илъэси 161-рэ мэхъу а зауэр зэриухрэ, ауэ кIыжыркъым а уIэгъэр. Сыту жыпIэмэ, и Iэужьыр гъэзэкIуэжыгъуейщ – адыгэр дунейм текъухьа хъуащ. Лъэпкъым и Iыхьэ пщIанэрщ Хэкум къинар… Адрейхэр  ирашащ е хуитыныгъэм я псэр щIатащ. ХамэщI къыщыхутахэми псэхугъуэ ямыщIэу, лей къатехьэу, зэхэзедзэну я гъащIэр яхьащ. Ахэр зи нэгу щIэкIа, дауэ хъуами ерыщу гъащIэ гугъуехьхэм пэщIэта, узымрэ мэжэщIалIэмрэ ихьа, зи щхьэр зауэм хэзылъхьа псоми щхьэщэ яхуэдвгъэщI. Дигу къэдвгъэгъэкIыж зэтракъута къуажэхэмрэ тфIагъэкIуэджа щыIэкIэ-псэукIэмрэ. Тхьэм дыщихъумэ апхуэдэ гузэвэгъуэм, зэи я нэгу щIремыкI ди щIэблэм зауэ!

Накъыгъэм и 21-р щыгъуэм и закъуэкъым зи махуэр. Ар адыгэ лъэпкъыр зэрыщыту щызэрыубыд, зы псэ зэрытIутыр, зы гъащIэ къызэрыдгъэщIыр, зы блэкIа дызэриIэр къыщытщIэж махуэщ. Ауэ мащIэм ар дигу къэдгъэкIыжыныр, дерс хэтхынырщ псом нэхърэ нэхъыщхьэр. Ди япэ итахэр зыщIэбэна щэнхабзэр, бзэр, хабзэр зыщыдгъэгъупщэну, тIэщIэхуну дыхуиткъым. Адыгэр адыгэ дызыщIыж псори ипэкIэ дгъэкIуатэмэ, ди щэнхабзэм щIэблэр щIэтпIыкIмэщ Кавказ зауэжьым  зи щхьэ хэзылъхьахэм я гугъэхэр щыдгъэпэжынур.

Ди нэхъыжьыфIхэр гъащIэм Iущ ищIауэ куэд къагурыIуэрт. ИкIи абыхэм къыхахащ Урысейм гухьэну, абы хуэпэжыну, къулыкъу хуащIэну. Нобэ дэ дыщыщщ нэхъ лъэпкъыбэ, нэхъ ин дыдэу дунейм тет къэралыгъуэм. ИкIи дэтхэнэми ди къалэнщ ар ефIэкIуэнымкIэ щхьэж хузэфIэкIыр хуэдлэжьыну, дызэкъуэтыну.

Урысейм и закъуэ мыхъуу, къэралыгъуэ 50-м щопсэу адыгэр нобэ. Тхуэхъумэжащ ди бзэри, хабзэри, щэнри. Хамэ къэрал щыпсэу, дунейм текъухьа ди лъэпкъэгъухэм я цIэр фIыкIэ ираIуэ: ахэр хуолажьэ политикэм, щэнхабзэм, гъуазджэм, спортым. Гуапэ мыхъуу къанэркъым хэхэс мин бжыгъэхэм Хэкум къызэрагъэзэжари.

Зы адыгэ дунейм тетыху нобэм дыкъэзышэса ди нэхъыжьыфIхэмрэ тхыдэмрэ тщыгъупщэнукъым. Зыщыдгъэгъупщэ хъунукъым, адыгэр дэнэ щыIэми, щыпсэуми и лъахэ унэр Кавказ Ищхъэрэрщ, Урысей къэралыгъуэрщ. Ди адыгэбзэр Урысей Федерацэм и щIыналъищым я къэралыбзэщ: Адыгэ, Къэбэрдей-Балъкъэр, Къэрэшей-Шэрджэс республикэхэм.

А псом дрипагэу дыкъэгъуэгурыкIуэми, языныкъуэ бзаджащIэхэм дызэрауштыну, зэгурымыIуэныгъэ ди зэхуаку къыдалъхьэну яужь итщ. Ар къыдгурыIуэу мамырыгъэр тхъумэн, дызэрылъытэн, Урысейм и хабзэм дытету дыпсэун хуейщ.

Лъэпкъым къыхэжаныкIауэ куэд пэрыту къэрал бжьыпэм тетщ. Дэ абыхэм дропагэ, дрогушхуэ, ди бынхэм щапхъэу къахудохь. Ноби хэкум и хъумакIуэу дзэ Iуэху хэхам щыIэ ди лъэпкъэгъухэм узыншэу къагъэзэжыну ди гуапэщ.

ГъащIэм куэд къыщохъу. Адыгэм и закъуэкъым нэщIэбжьэ зи нэгу щIэкIар. ГъащIэм хэпсэукIыфарщ, лъэ быдэкIэ гугъуехьым щхьэщыкIарщ нобэм къэсари, бэшэчхэмрэ лъэщхэмрэ дэри дащыщщ, дыщыпсэукIэ. Ди щыгъуэ махуэр къыддаIыгъ, дакъыгуроIуэ ди къуэш лъэпкъхэм. Дэтхэнэми фIыщIэ яхузощI!

Зэи щремыIэ зауэ, зэгурыIуэмрэ фIыгъуэмрэ ди унагъуэхэм иремыкI!

Сэхъурокъуэ Хьэутий, Дунейпсо Адыгэ Хасэм и тхьэмадэ.

Дорогие земляки!

Ежегодно 21 мая адыги (черкесы) по всему миру отмечают День памяти адыгов — жертв Кавказской войны.

Сегодня мы вновь  вспоминает тех, кто стал жертвами Кавказской войны –  одной из самых драматических страниц истории адыгов (черкесов). Эта трагическая страница нашей истории, длившаяся более века, оставила глубокую рану в сердцах нашего народа.

Прошло уже 161 год с окончания этой кровопролитной войны, но её эхо всё ещё звучит в наших сердцах. Для адыгов (черкесов) эта война стала национальной трагедией: лишь десятая часть народа осталась на родине, остальные погибли или были разбросаны по всему миру. Судьба многих, оказавшихся на чужбине, была нелёгкой. Сегодня мы склоняем головы перед памятью тех, кто пал в боях, умер от голода и болезней вдали от дома. Мы вспоминаем разрушенные сёла и утраченные традиции. Вечная память жертвам Кавказской войны! Пусть такие трагедии никогда больше не повторятся.

Однако 21 мая — это не только день скорби, но и день, когда мы, адыги (черкесы), чувствуем себя частью единого народа, связанного общей судьбой и памятью. Сегодня мы должны не только помнить прошлое, но и извлекать из него уроки для будущего. Мы обязаны сохранить нашу культуру и язык для потомков, стремиться к миру и процветанию на родной земле.

Наши предки выбрали путь единения с Россией, и с тех пор все поколения остаются верны этому выбору, служа своей Родине. Поэтому мы обязаны идти по пути созидания и прогресса вместе с многонациональным народом России. Мы должны думать о будущем.

Сегодня адыги (черкесы) живут в мире и согласии в России и более чем в 50 странах, сохранив язык, культуру и традиции. Многие представители черкесского зарубежья достигли успехов в политике, культуре, искусстве и спорте. Тысячи соплеменников вернулись на историческую родину и нашли здесь свой дом.

Мы будем вечно чтить память ушедших, историю народа мы продолжим передавать из поколения в поколение.

Нам важно помнить о своей роли в истории нашей страны. Где бы ни находились адыги (черкесы), они всегда должны осознавать, что их историческая Родина — это Северо-Кавказские республики и Россия. Наш язык, на котором говорят адыги по всему миру, является государственным только в трех субъектах Российской Федерации: Адыгее, Кабардино-Балкарии и Карачаево-Черкесии.

Однако сегодня некоторые нездоровые силы пытаются использовать национальные интересы в своих целях, пытаясь расколоть наш народ. Мы обязаны сохранять мир и согласие между народами, защищать суверенитет России и не допускать межнациональной розни.

Примером этому служат тысячи адыгов (черкесов), которые, чувствуя себя частью многонационального народа, сегодня в зоне специальной военной операции  проявляют мужество и отвагу, защищая его будущее. Мы желаем им скорейшего возвращения к своим семьям с Победой и в добром здравии!

Говоря о горестных моментах в истории адыгов (черкесов), стоит отметить, что и у других народов были свои мрачные периоды.

Сегодня весь многонациональный народ Кабардино-Балкарии поддерживает нас. Выражаю всем благодарность и уважение.

Пусть на нашей земле всегда будут мир, согласие и взаимопонимание, а в семьях — счастье и радость.

 Президент Международной Черкесской Ассоциации                                                                                                                                                                    Хаути Сохроков