ЦIыхубэ Iущыгъэ

• Адэм и Iэщэр къуэм и щэнщ.
• Адэм и IэщIагъэр къуэм и уагъэщ.
• Адэ мыгъасэм и къуэри мэсэхъу.
• Адэ мылъку бынгъэкIуэдщ.
• Адэ уиIэ щIыкIэ, уи лъэпкъыр зэгъэцIыху.
• Адэ ухъухункIэ адэр зыхуэдэр пщIэкъым.
• Адэ щIэинкIэ псэуа щыIэкъым.
• Адэм къыхуэна сабийр ибафэщ.
• Адэм хуэмыгъасэр анэм хуэумыскъым.
• Адэр псэухукIэ къуэр щIалэщ.
• Ажэми жьакIэ тетщ.
• Анэ-адэм бын зэхадзкъым.
• Анэ-адэм шэч яхуумыщIыж.
• Анэ-адэм уэ ебгъэлъагъур бынхэм уэ уагъэ­лъагъужынщ.
• Анэ-адэм я хьэкъ къызытенэм быным ире­гъэп­шыныж.
• Анэ-адэфI быныфI яхуэщщ.
• Анэ бгъафэр сабийм и жэнэтщ.
• Анэ быдзышэм щIакхъуэри кхъуейри хэлъщ.
• Анэ гыбзэр быдз зэхуакум дэкIкъым.
• Анэгур гуауэ пхъуантэщ.
• Анэгур мыгъуэщи, бын мыгъуэр IэфIщ.
• Анэ гущIэр лъащIэншэщ.
• АнэдэкIуэрэ лIы дэкIуасэрэ емыкIу хэлъкъым.
• Анэ здэщыIэм сабии щыIэщ.
• Анэ зиIэм дунейр иIэщ.
• Анэ зиIэм и Iэр быдэщ.
• Анэ зимыIэм гуIэр и махуэщ.
• Анэ къалэным нэхъ гугъу щыIэкъым.
• Анэ щабэр бынгъэкIуэдщ.
• Анэм быныр и зэхуэдэщ.
• Анэм и бгъафэр фом нэхърэ нэхъ IэфIщ.
• Анэм и бгъафэр хъурыфэ джэдыгущ.
• Анэм и бын гуауэр зэи жьы хъуркъым.
• Анэм и быным хуищIэр фIэмащIэщ.
• Анэм и гуапэр дыгъэм нэхърэ нэхъ хуабэщ.
• Анэм и гуэныхьыр пхуэпшыныжкъым, уи Iэгу джэдыкIэ хуибгъэжьыхьми.
• Анэм и губжьыр уэсым хуэдэщ – куэду къес­ми, щIэхыу мэткIуж.
• Анэм игукIэ сеужьи, фызым игукIэ сы­къэу­кIуэж.
• Анэм игу пцIанэр бын псоми я зэхуэдэщ.
• Анэм и губжьыр жьым хуэдэщ – ину къепщэми, щIэх тоуж.
• Анэм и гур быным хуосри, дыгызэм и кIэ­дахъуэр мэс
• Анэм и гъуапэр пхъум и джанэщ.
• Анэм и гъуапэр пхъум и щыдэжынщ.
• Анэм и дэлъхур адэ пэлъытэщ.
• Анэм и куэщIыр сабийм и гущэщ.
• Анэм и псэм дэкIыр и фэм къеIуатэ.
• Анэм и удыныр узкъым.
• Анэм къыуипэсыр гъэгунэс.
• Анэм къыуитыр IэфIщ.
• Анэм лъэгущIэтын зыхуэщI.
• Анэм и щIыхуэр зыми хуэпшынакъым.
• Анэм и Iэр ину иIэтми, цIыкIуу тохуэ.
• АнэнэпIэсым хуэпщIэр фIэмащIэщ, къып­хуищIэр фIэкуэдщ.
• АнэнэпIэсыр уэсым нэхърэ нэхъ щIыIэщ, зэзым нэхърэ нэхъ дыджщ.
• Анэм псибл Iутщ.
• Анэншэ гъащIэр гу щIыIэгъуэщ.
• Анэншэм мыгъуэр и махуэщ.
• Анэншэр зеиншэщ.
• Анэпсэр фоупсым хуэдэщ.
• Анэр зыгъэзеиншэр лIэмэ хьэдагъэншэщ.
• Анэр зыфIэIейми ар ихъуэжыфкъым.
• Анэр зыщытхъур и бынщи, быныр зыгъэдахэр гъэсэныгъэщ.
• Анэр нэщи, адэр лъэпкъщ.
• Анэр хабзэ ублапIэщ.
• Анэшыпхъу анэ пэлъытщ.
• Анэ иIэмэ, сабийр ибэкъым.
• АнэIэкIэ къыгуэхи, анэгукIэ къызэт.
• Благъэжь хыфIумыдзэ, гъуэгужь умыбгынэ.
• Быныр гъэсамэ, зыпIар епIыж.
• Бын зыщIэмыхъуэр и щхьэ щIотIахъуэ.
• Дадэм щIыгъур нанэщи, нанэм щIыгъур дадэщ.
• Дахэм дахэ къелъхури, Iейм Iей къелъху.
• Ди адэхэр зэмышми, ди анэхэр зэшы­пхъущ.
• Дыгъэм и хуабагъэмрэ анэм и гуапагъэмрэ зэхуэдэщ.
• Дыгъэр хуабагъэщ, анэр гуапагъэщ.
• Дыгъэ нэпс нэхърэ – анэ бгъафэ.
• Зэлхэр зэпэIэщIэмэ, я щIэщыгъуэу зэлъохьэ.
• Зи адэ зымыгъэфIам фIыкIэ ущымыгугъ.
• Зи адэ лIар ибэ ныкъуэщи, зи анэ лIар ибэ хъурейщ.
• Зи анэ зыхъуэжым имыхъуэжын щыIэ­къым.
• Зи анэ хуэмыщыпкъэм и хэкумкIи щыпкъагъэ хэлъкъым.
• Зи къуэш мащэ хуэзытIым зэраукIыну сэр къеулъэпхъэщ.
• Зипхъу къэт анэр и кIэ тетIысхьэжкъым.
• И адэ еплъи, и къуэр къуэдзэ щIы.
• И анэ гупсэщ, и адэ псэущ.
• Къэзылъхуа зымыцIыхужыр къилъхуахэми яцIыхужынукъым.
• Къомыщэжынур уи анэмрэ уи нитIым- рэщ.
• Къуэ делэ зиIэм и анэр гуIэ хигъэкIкъым.
• Къуэ закъуэрэ нэ закъуэрэ.
• КъуэфIым адэ щIэин ухуэмылъыхъуэ.
• КъуэфI и анэ гуфIэ щигъащIэкъым.
• Къуэш зимыIэу щIэлIэм башым IэплIэ хуещI.
• Къуэш лей щыIэкъым.
• Къуэшыншэ щIэупщIакIуэншэщ.
• ЛъыкIэ зэш нэхърэ – гукIэ зэш.
• Мыгъуэр зи мыгъуар анэрщ.
• Нанэ хьэлыващIэ, дадэ кIэрыщIэн.
• Уи адэ къошхыдэкIэ, зумыгъэгусэ, уи анэ къыпщытхъукIэ, зумыгъэсэхъу.
• Уи адэм и щIапIэр гъэдахи, уи анэм дахэу епсалъэ.
• Уи анэ зэрымысым дыщасэ умыкIуэ.
• Уи анэ зэрымысым зыщыгъэпсэхуи къи­кIыж.
• Уи анэ къимылъхуа уи къуэшкъым, уи къуэш­ къимыша уи нысэкъым.
• Уи анэ и Iэгу илъым еплъи, уи Iэ илъым едза­къэ.
• Уи анэ къыбжиIэм едаIуэ, уи адэ къыб­жиIэр гъэзащIэ.
• Уи анэрэ уи нитIрэ.
• Уи анэр фIыуэ плъагъумэ, нэгъуэщIым анэкIэ уемыхъуэн.
• Уи анэ Iейми, нэхъыфI бгъуэтынукъым.
• Уи анэр уиIэхукIэ ущIалэщ.
• Укъэзылъхуахэм яхуэщIыпхъэ цIыхугъэр зэи пасэ хъуркъым.
• ЩIэблэ зыщIэмыхъуэр лъэпкъ хъуркъым.
• Iыхьлы зимыIэм и жыгым IэплIэ ирешэкI.

Зыгъэхьэзырар  Шэрджэс Алийщ.